Alleluja. Lauda, Jerusalem, Dominum; lauda Deum tuum, Sion.
Quoniam confortavit seras portarum tuarum, benedixit filiis tuis in te.
Qui posuit fines tuos pacem, et adipe frumenti satiat te.
Qui emittit eloquium suum terræ, velociter currit sermo ejus.
Qui dat nivem sicut lanam, nebulam sicut cinerem spargit.
Mittit crystallum suum sicut buccellas: ante faciem frigoris ejus quis sustinebit?
Emittet verbum suum, et liquefaciet ea; flabit spiritus ejus, et fluent aquæ.
Qui annuntiat verbum suum Jacob, justitias et judicia sua Israël.
Non fecit taliter omni nationi, et judicia sua non manifestavit eis. Alleluja.
Padre
Hijo
Espíritu Santo
Ángeles
Satanás
Comentario
Referencia
Ilustración
Atlas